IV Edición de Bolsas de Posgrao
29/01/2025
A Fundación Caixa Rural Galega Tomás Notario Vacas lanza un curso gratuíto de Intelixencia Artificial aberto a toda a cidadanía
26/09/2025
A Fundación Caixa Rural Galega Tomás Notario Vacas entrega as bolsas de posgraduado da IV Edición
• A Fundación reforza a súa aposta polo talento novo con novas bolsas para estudos en Reino Unido e Italia.
• O acto de entrega das bolsas de posgraduado destacou o valor de investir na formación da mocidade galega.
A sede central de Caixa Rural Galega en Lugo acolleu o emotivo acto de entrega da IV edición de bolsas de estudos de posgraduado impulsadas pola Fundación Caixa Rural Galega Tomás Notario Vacas. Estas bolsas, que cobren integramente o custo de matrícula e aloxamento, están destinadas a mozos galegos que desexan continuar a súa formación académica no estranxeiro.
O evento contou coa presenza de D. Tomás Notario Vacas, presidente da Fundación, D. Manuel Varela López, vicepresidente da Fundación e presidente de Caixa Rural Galega, así como D. Salvador Diz Cerviño e D. Antonio Riveira Requeijo, membros do padroado e o catedrático de veterinaria da Universidade de Santiago de Compostela D. José Luis Benedito Castellote que participou na comisión de selección. Tamén asistiron as dúas beneficiarias, acompañadas das súas familias.
Os representantes da Fundación destacaron o orgullo que supón apoiar o talento novo galego e fomentar o seu desenvolvemento nun mundo cada vez máis globalizado. Subliñaron que estas bolsas non só representan unha oportunidade académica, senón tamén unha experiencia vital que contribuirá ao progreso económico e social de Galicia.
Nesta IV Edición as bolsas foron concedidas ás graduadas da USC:
Paula Gómez García, graduada pola Universidade de Santiago de Compostela, cursará un máster en ciencia biomédica na Universidade do Oeste de Inglaterra, Bristol (Reino Unido).
Alejandra Rechou Moledo, tamén graduada pola USC, realizará un máster en ciencia animal na Universidade de Turín (Italia).
Ambas bolseiras expresaron o seu agradecemento á Fundación por esta oportunidade única e o seu compromiso de aproveitar ao máximo esta experiencia formativa e persoal.
O obxectivo destas bolsas é o de contribuír a que os nosos mozos teñan a oportunidade para seguir formándose co propósito de que poida contribuír ao desenvolvemento económico e social de Galicia.
As sucesivas convocatorias de bolsas, convenios, eventos e propostas de investigación pódenas consultar e remitir a través da nosa web desde o apartado de convocatorias.
