Acto de entrega da III Edición de Bolsas de Posgraduado

A Fundación Caixa Rural Galega Tomás Notario Vacas fixo entrega das bolsas de estudos de posgraduado mediante as cales a Fundación dotará economicamente da totalidade do custo da matrícula e aloxamento durante os meses que dure o máster no país de destino.

No seu terceiro ano de bolsas de posgraduado a Fundación decidiu conceder tres bolsas de posgraduado a novas promesas galegas para realizar un máster no estranxeiro.

O acto realizado na sede central de Caixa Rural Galega en Lugo, acudiron á entrega o Presidente da Fundación D. Tomás Notario Vacas, o vicepresidente da Fundación e presidente de Caixa Rural Galega D. Manuel Varela López, xunto a D. Salvador Diz Cerviño, membro do padroado da fundación e o presidente do colexio de veterinarios de Lugo, D. José Luis Benedito Castellote, catedrático de Sanidade Animal da Universidade de Santiago de Compostela e que participou na comisión de selección.

No acto interviñeron o presidente e o vicepresidente da Fundación e ambos se congratularon en conceder estas bolsas e dar a oportunidade ás nosas novas promesas para seguir progresando e achegando excelencia á comunidade galega. Así mesmo, animaron ás bolseiras seleccionadas para aproveitar a gran oportunidade de realizar estudos no estranxeiro, o que contribuirá ao seu desenvolvemento profesional e persoal.

Pola súa banda as bolseiras seleccionadas agradeceron o labor da Fundación e a oportunidade brindada de continuar a súa formación no estranxeiro, así como expresaron o seu compromiso de aproveitar a experiencia o máximo posible.

O obxectivo destas bolsas é o de contribuír a que os nosos mozos teñan a oportunidade para seguir formándose co propósito de que poida contribuír ao desenvolvemento económico e social de Galicia.
Nesta ocasión as bolsas foron concedidas ás graduadas da USC:

• Alejandra López Sánchez que realizará un máster M2 Fundamental Microbiology na Universidade París-Saclay (París)
• Belén Sanfiz Cadórniga realizará un máster en ciencia animal na Universidade de Turín (Italia)
• Carmen Fuentes González realizará un máster en Enxeñería Agrónoma pola universidade de Lisboa (Portugal).

As sucesivas convocatorias de bolsas, convenios, eventos e propostas de investigación pódenas consultar e remitir a través da nosa web desde o apartado de convocatorias.